依家無，唔代表將來無！！
踏入來日快第六年，一直聽花粉症呢個病令以前身邊嘅同事好困擾，丫仁一直都無病發又無日本人遺傳因子，心諗過應該唔會中㗎啦！但係自上年開始到時到候眼乾眼痕之後，心知不妙！今年連口水、鼻涕一齊嚟！！對眼痕到連眼球後面都好想伸手去R。捽眼摔到隻眼周圍損晒、紅晒都止唔到癢，放工之後就去買一啲急救用品頂一頂。洗眼用嘅藥水同埋針對花粉嘅目薬（めぐすり）幫手舒緩吓都好呀！
唔係個個日本人都會有呢個都市病，有啲人上年好大鑊今年完全康復，亦有日本人從未發過病添，關自己身體嘅免疫系統事，呢個時期睇怕都係杉木嘅花粉。曾經聽過以前嘅同事因花粉症完全影響工作，大鑊到要入醫院打針或同埋要做手術切定燒個鼻一啲部位，我應該唔會去到呢個程度掛？
對眼好好好好痕呀！！
去mewe睇大丈夫，行多一步走快一步！
https://mewe.com/join/大丈夫東瀛工作遊記
Search